Day 4 6/3
今日係去小樽, 夜晚先出返札幌
早餐
真係好好飲!!!!!!!
買左JR welcome pass, 都幾抵
坐左大半個鐘就開始見到海, 已經進入小樽範圍
到站~~~~~
跟住行去運河, 沿路好多呢類建築物
小樽運河
去小樽又點可以無樽樽 xdd
影完運河就去食魚生飯啦!!!
揀左路口位一間得bar台好細間既食店
見佢專食蟹同海膽, 好似好正甘!!!
等食ww
連個麵豉湯都有蟹!!!!!! 勁好味!!!!!!
我果碗closeup, 其實我平時唔食蟹, 亦都未食過海膽
平日見到果d海膽都好肉酸, 勁似shi xddd
但係呢碗, 真係好正!!!!!除左面頭相見到既魚生
下面仲有帶子同魷魚!!!!! 唔駛點落豉油wasabi
就甘已經好好味!!!!!!!!!!!
食飽之後我地就亂逛
主要想買玻璃製品
基本上見到有玻璃店就走入去 xddd
d玻璃花好靚, 差d就係第一間店就買左
好彩忍住 xddd 之後係一間好大既店入面買左向日葵同浮水波波
仲有條雪兔珠手鍊
媽媽都買左隻戒指同d手信 ww
一路都好想食雪糕
終於見到有間雪印 ww
食左哈蜜瓜雪糕, 好味!!!!!
跟住又繼續 shopping xddd
行行下又見到魚產店
有得即燒即食, 勁香
又忍唔住入去食左 ww
蟹腳真係人間極品 xdddd
然後食食下間店執野收工 @@
果陣好似4點幾 @@
真係遲d都無得食 xddd
天未黑晒我地見到呢間小樽名店!!!!!
即刻仆入去 xddd
係PATHOS食左我人生覺得最好食既白朱古力!!!!
如果所有白朱古力都係呢個味
我諗白朱古力個ranking會僅次於焦糖 xddd
點解可以甘好食
本來我真係唔諗住叫呢個
佢係有set, 甜品+茶
茶我一睇就tag中小樽茶, 佢係有生果同焦糖
加錢都想飲
甜品就有cheese cake, 雪糕
但頭先食完雪糕唔係好想再食
cheese cake又好似唔特別
店員又再三推介呢個期間限定
就信你一次啦 xddd
真係無介紹錯
第一啖食外面d好似係mousse既野
一d平時食既白朱古力假甜味都無
唔講唔會覺得係白朱古力, 好滑!!!!!真係好好味!!!!
然後就係d果乾!!!! 超級好味!!!!
酸酸地同白朱古力個味好match!!!!
跟住中間既士多啤梨雪芭同海綿蛋糕仲有d脆脆
全部都好夾!!!!!!! 誇張到可以話係我食過最好味既甜品!!!!!!
跟住到杯茶, 又係人間極品!!!!
媽媽叫果壺係white peach & earl grey
兩款都係唔止香, 入口都有味
平時d果茶成日都得個香字
入口衰起上來連茶味都無
呢個真係太正!!!! 好飲到我要買返去慢慢飲!!!
小樽羊
然後我地又食到人地關門 xddd
好彩趕到入去食, 太幸福啦!!!!
臨走再影低呢個神級甜品
出到去真係成個天都黑晒
9成商店都關晒門
我地就行返去影運河夜景, 之後就返札幌
夜晚既運河用肉眼係睇唔到相既效果
我同媽媽一見到都話: 下??乜係甘架?? 同相差好遠wor, 有乜甘靚?
但我用相機影就真係靚 xddd
最滿意照片 ww
樽樽累了
影完夜景就搭JR返札幌啦
順便去SWIMMER睇下
又趕係人地收工之前買野 XDD
之後返去SUSUKINO食湯咖喱
驚會辣所以要左0度辣 XDDD
真係好好味!!!! 而且好抵又夠飽!!!!
食完返去又落雪，好似落雨咁但無人開遮。。。
是日戰利品
