7月24日 -- 愛上貔貅
check out時間係12點
所以可以晏d起身
打算9:30起身,11點離開hotel去豫園同城隍廟
太開心所以junya都一齊訓啦
點知,我5點半就自己醒左
明明張床好舒服
跟住就係咁影下床照,上下網
所有rp已用盡
Bra帶扣除唔到
頸鍊打大kick
但去豫園行好開心
好似去左古裝街
之前食左老麥好飽食唔落 xddd
我地好無聊咁笑人地d像 xddddd
跟住我地就買左飛入去豫園睇,30人仔有d貴不過一場來到 ww
入面真係可以影相影成日!!!!! 而且好大陣舊味 xddd
然後我愛上了豫園入面d貔貅,好可愛啊!!!!
呢隻Q版真係好得意呀!!!!!!
junya都好鍾意啊!!!!!!
仲有呢隻!!!! 勁搞笑呀抱仔!!!!!
之後我地入左間冷氣shop涼冷氣
亦都做左遊客買左印章俾bb們
富田兩個字好得意 ww
9月俾佢~~~
跟住我地就返酒店拎行李入機場啦
太熱啦就直接叫酒店幫我地call taxi去搭磁浮果個車站
點知司機放低左我地係車站另一邊
最後都要身水身汗咁先上到磁浮
一去到機場日航個counter就見到其中有份表現既日本人check完in
空姐帶佢地去過關
咁阿寶就問來送機果個同擔有無送到
同擔話送到,佢地入左閘無幾耐
咁我地就拿拿臨checkin
點知無啦啦話我行李有電要打開check
Check完乜都無又浪費左時間
排隊過關唔知做乜又勁多人
仲叫我除鞋
入到去候機已經成4點
本身我地估佢地搭5點幾果班機
但3點入去就無可能係咁晏
另一班4點半既候機位無發現
再早一班就係4點啦
完全趕唔到 ~___~
阿寶再睇下po
我地見到checkin既日本人已經飛左啦
照咁睇係4點果班機啦
不過算啦,雖然送唔到有d可惜
送到入禁區真係有d誇張
日本跟來既fans都無做呢d野
之後知道佢地果日晨早7點就要拍野
應該都好累唔似得黎果陣咁精神
況且我地係豫園都玩得好開心
無浪費到時間
相信仲會有下次既
大陸大把地方等住佢地去
不過就唔好黎hk啦 xddd
我地追去大陸就好!!!!!!!
之後我地坐埋一邊飲野同聽錄音
有人up左live直播上youtube!!!!!
我地睇到上機都仲睇緊
仲要又講又笑,前後d人唔知有無想打我地
回程飛機餐正常仲要有甜筒派呀 xdddd
總結
今次活動真係好幸福!
有去到上海實在太好
如果唔係阿寶話想去
我都真係唔會返大陸
不過今次bilibili真係搞得好
各種安排都好滿意
Vip真係享有vip嘅待遇
對大陸都改觀左
真係唔親身去過係唔會了解到
上海同香港其實無乜分別
如果天氣唔係咁熱既話會好好多
出年bilibili再搞再有bb的話一定會去!