Day 1 22/7

7月22日 — 河西過山車

約咗bee 5:30am機場集合

佢未到我就去食嘢先

差唔多6點我哋就去checkin

然後入閘啦

點知去到登機閘口坐低掃下twitter

就見到河西(dfes生放主持)發tweet

話去到機場

個時間比我哋預計bb會坐嘅班機早好多

我哋開頭估bb應該坐1:45pm到浦東嗰班機

見到呢條tweet陣腳大亂

即刻search下呢個係羽田定成田先

結果係羽田

咁就變咗係11:30虹橋果班而唔係浦東
咁就大鑊啦
我哋搭7:30機去到浦東準時的話係9:45
仲要拎行李
浦東去虹橋最快都要1個鐘
再加上嗰班機有早到冇遲到
成日都11點就到咗
真係好抆水

我哋懷著不安嘅心情上機
成程機都瞓唔安食唔樂。。。

個飛機餐難食到

好彩我有打底

個炒蛋無論係賣相、味道、質感都極似毛巾

班機算準時但要再搭接駁車

搞到10點半先去到等行李

完全趕唔切

最慘係我哋張電話卡間唔中先上到網

Check唔到twitter佢哋有冇出po

同電話卡戰鬥一輪之後見到bb個tweet！！！

咁就即刻定晒！！！

但係河西唔係一齊出發？

跟住我就開始瘋狂小河西

基本上乜粗口都講齊

搞到我哋成程機都無心機

小完之後就變成瘋狂抽河西水

基本上講唔夠兩句就問河西去邊 xddd

又話坐咗河西過山車 xdddd

跟住我就去toilet執返好個樣

然後就慢慢等啦 xddd

等到出左行李pickup位置

我地就去附近等

我哋開頭見到其他同機嘅表演嘉賓拎行李，就開始好緊張
到最後佢哋5個先出來
扶手電梯落黎果陣見到soma係度影相
見到bb拎住個白色膠袋唔知做乜
著住件收數佬恤仲口袋插住支金筆
我心入面無限悲鳴，個樣無問題架個頭都算正常架
點解著成咁？係唔係上海灘look？
然後得Kaoru有戴口罩

我哋企喺拎行李附近等佢地行過
跟住我就先打個招呼こんにちは！
soma即刻回咗句こんにちは！
然後我: 香港から来ました！
全員wowowo~~~
然後soma講謝謝同上海最棒

跟住我問影唔影得相
Mztk第一個答話唔得
跟住soma，bb講左sorry
然後masaki突然一句"你愛我嗎？"
我hang咗機
我真係講唔出口
當時我個樣應該好好笑
我記得我有望住bb
但都係講唔出口 xdddd
事後諗返果陣除咗bb自己知我係佢飯
其他人都唔知，都未見過我 xddd
好彩問果個係masaki，阿寶回返句我愛你先冇真係冷場

為咗獎勵阿寶，我就一嘢推咗阿寶去kaoru度
然後其他member都開始散開
呢個時候bb就同我講久しぶり！
我又驚訝樣: 覚えて？(完整句子無能 xddd)
Bb就話1對1 event嗰陣見過我
佢居然仲記得！！！舊年12月嘅事！！！
證明1對1嗰次真係失禮到佢記到宜家 xddd
無諗過佢會主動講，所以我只能一直說ありがとうございます

之後我就望下阿寶點
當時見到嘅畫面係kaoru哄埋阿寶耳邊講咗句我愛你
之後阿寶失控彈咗去條柱後面喪講黐線 xddd
我又望下kaoru，kaoru喺度得戚笑 wahahaha
我去條柱度安撫下失控嘅阿寶
見到bb拎錯人哋個喼 xdddd 好蠢 xddd
soma喺度著襪著鞋，佢本來著住人字拖
真係好麻甩
仲有bb唔知做乜拎住個白色膠袋喺度fing xdd

我地見佢地移動就跟住出去
manager拖住果兩個大o急俾人叫放xray機
咁bb佢地就係轉角等manager
我地只好行先 xddd
順便講byebye

目送佢地去左搭lift之後我地都去搵磁浮列車搭出市區啦
點知一上電梯又再見到佢地
Bb件上海shirt實在太易認
於是等佢地完全離開先再行

由於太興奮，路過starbucks就坐低飲杯野定下神先
一坐低就講究竟有無見到河西 xddd
無wor! 真係無見到wor
咁河西去左邊
然後又開始無限抽河西水 xdddd