Day 3 16/6
今日主要行程係去神戶食牛，去licca shop同埋繼續shopping
出門口喺樓下影返張全身照先
大約半個鐘就到完全唔覺得去咗遠d嘅地方
出閘見到有八天堂就食返個先
係蛋黃哥限定 xdd
今次重要行程之一
食A5神戶牛！
呢間出名神戶牛店已經做慣晒遊客生意
對於客人係咁影已見慣不怪
嚟啦神戶牛！！！
pink果塊係極上A5神戶菲力牛柳
深色d果塊係A4-A5神戶菲力牛柳，次一級
影呀影呀係咁影
掛住影牛都唔記得咗影下有白飯同大兜沙律仲有湯 xdd
然後廚師見我哋影到差唔多就話幫我哋同塊牛影返張
後來發覺呢個係每檯嘅指定動作 xdd
影完就開始燒啦
首先整咗塊次一級嘅先
燒好啦~~~~~
就咁睇到覺得好味
覺得呢塊燒得熟咗d，雖然已經好好味
真係冇食過咁好味嘅牛
塊極上我哋就request唔好燒咁熟，要生d
右邊嘅就係極上啦
粉紅色嘅牛柳
好似塊toro咁
好軟滑~~~~~~
兩塊係完全唔同口感
真係好好味！好值得！
last仲有牛柳粒炒芽菜~~~ 好正！
佢有放個牌喺度教點食
但我基本上係乜都唔點
就咁食已經好好味！
最後紀念一下我人生食過最貴嘅牛！
食飽就去生田神社
好靚仔
呢度又有水簽文
路過真係有d大陸feel xdd
去licca shop途中又見到為珍珠奶茶瘋狂嘅日本人 xdd
到啦！
買完之後就去行商店街
買咗呢個柒婆餅伏嘢，真係一舊就飽咗
晚餐我哋竟然唔識死食燒肉
中午食咗咁靚嘅神戶牛
莫講話當日夜晚，連宜家隔咗咁耐我都仲係唔太想食牛
已經覺得唔好食 xddd
燒完又去多次買藥粧就返歸啦
影下女女先
三隻都好靚女
估唔到呢間shop咁多款式揀
東京果間真係冇乜公仔賣
買咗好好味嘅車厘子做宵夜
